Компания тарихи

Компания Қарши шаҳар ҳокимининг 2004-йил 14-январдаги № х-1/20 сонли қарори билан рўйхатга олинган кунда ташкил топган. Ҳозирги кунга келиб Ўзбекистон Республикаси Вазирлар Маҳкамасининг қарори, 20.05.2021 йилдаги 321-сонли қарорига асосан фаолият юритиб келмоқда. Мазкур қарорга мувофиқ буюртмачи хизматининг молия-хўжалик фаолиятини назорат қилиш, текшириш ёки тафтиш қилиш қонунчилик ҳужжатларида белгиланган тартибда тегишли назорат органлари томонидан амалга оширилади.

Компания вазифалари

Ўзбекистон Республикаси Вазирлар Маҳкамасининг қарори, 20.05.2021 йилдаги 321-сонли қарорига асосан буюртмачи хизматининг асосий вазифалари қуйидагилардан иборат:

қурилиш объектларини белгиланган муддатларда фойдаланишга топшириш юзасидан шартнома мажбуриятлари бажарилишини таъминлаш;

бирламчи рухсат берувчи, лойиҳаолди ва лойиҳа ҳужжатларининг белгиланган муддатда сифатли тайёрланишини таъминлаш, шаҳарсозлик тўғрисидаги қонунчилик ҳужжатлари талабларига риоя қилиш;

объектларда қурилиш-монтаж ишларини амалга ошириш учун зарур шарт-шароитлар яратиш;

лойиҳаларни молиялаштириш манбаларини аниқлаш, харидларни режалаштириш, харидлар тартиб-таомилларини белгилаш ва унинг шаффофлигини таъминлаш;

лойиҳаларни бошқариш ва қурилиш ишлари бўйича техник назорат олиб борилишини таъминлаш, муаллифлик назоратини ташкил этиш ҳамда шаҳарсозлик нормалари ва қоидаларига риоя қилган ҳолда объектларни фойдаланишга қабул қилиш ишларини ташкил этиш;

субъектларнинг шаҳарсозлик фаолияти соҳасидаги ўзаро муносабатлари шаффофлигини таъминлаш.